終於回歸寫 blog 了,自從 Y blog冇左之後,無寫 blog既曰子已經有年幾啦 !有一排自己真係好懶, 加上新 Blog 用唔慣 , 好多野唔知點攪 , 冇咩心機去攪 , 所以一直拖到依家~ ~
年幾後既依家真係好想寫番 blog , 一於的起心肝慢慢攪番掂個 blog , 逐樣試 set .
冇blog 既日子就玩多左 facebook , 但我覺得點都唔及寫 blog果種感覺咁良好同 free自由自在既感覺, 其實我真係好鐘意學 blog ~~
我都係時侯要揾番以前 d blog友仔了 !!!!!!
各位blog友仔 !!!! 我返來啦 !!!!!!

自家香辣雞煲

之前響出面食過麻辣雞煲火煱, 好食~但自己又唔食到太辣, 所以自己試下整少少辣既雞煲 !!

食譜~ 材料 : 雞一隻( 斬件 ), 冬菇 6隻 ( 大 ),洋葱半個, 薑 5片, 蒜頭 8粒 ( 不用切碎 ), 乾蔥 4 粒, 蔥, 唐芹, 芫茜( 我用大量 ),紹酒 2湯匙,蠔油

先將冬菇,蒜頭,乾葱,洋蔥爆香~

再加入醃過既雞爆香,加入適量既水或清雞湯,蠔油,(份量按個人喜好 ),再加少少辣醬或辣油,如果鐘意食辣既可以加多些,加入兩湯匙紹酒,如果好似我咁開住個火煱爐仔黎食的話, 煮 6, 7分鐘,便可熄火,如果唔係就煮多十幾分鐘, 最後再加上大量蔥, 唐芹, 芫茜~ 便完成.

黑糖牛油餐包

朋友送來響日本沖繩買俾我既黑糖，放在櫃裏一直未用、今日整理廚房櫃既時候睇一睇日期，係今年12 月就到期了、為了第日唔記得用而浪費左，所以即刻開左佢用黎做包包

我係用麵包機打麵糰的、麵糰打好後，將麵糰取出蓋上微熱既濕毛巾或布，待麵糰鬆弛 20分鐘，跟著20分鐘後取出麵糰輕輕排氣，將麵糰分成六份，再滾圓，排在盤上，放在溫暖既地方發酵 60 分鐘 ( 我通常會放在微暖既焗爐裏面）。

60分鐘後麵糰發酵大至兩, 三倍, 呢個時候可以放入焗爐度用 180 .C 焗大約 25分鐘就可以啦 !!

出爐啦 !! 好軟綿綿吖~重要第二朝食都一樣係咁軟, 屋企人都食得好開心, 估唔到我冇用湯種, 今次加左低筋麵粉都一樣咁軟綿綿

食譜~材料 :高筋麵粉 250g, 低筋麵粉 25g, 乾酵母 3g, 奶粉 7g, 鹽 4g, 黑糖 45g, 牛油 50g, 水或牛奶 160ml